2015 сыл- оскуола иннинээҕи үөрэхтээһинсылатүмүктэнэрэ чугаһаанараас тэрээһиннэр тиһигин быспакка бара тураллар. Ахсынньы ый 12 күнүгэр улуустааҕы оскуола иннинээҕи үөрэхтээһин үлэһиттэрин I спартакиадата эрдэ былааннаммытын курдукбуолан ааста. Элгээйи,Бордон,Тойбохой, Кириэстээх, Кутана уонна Сунтаар кусталарыгар кыайбыт 7 күүстээх хамаандакүөн көрүстэ. Улуус физинструктордарын түмсүүтүнэн оҥоһуллубутбалаһыанньаҕа барыта 10 көрүҥ талыллан киирбит. Спартакиада үөрүүлээх аһыллыытын улуустааҕы үөрэхтээһин начальнига Г.М.Еремеев, оскуола иннинээҕи салаа салайааччыта А.А.Саввинова спортсменнарга кыайыыга дьулууру, ситиһиилэри, чиэһинэй киирсиилэри баҕардылар, мелодист Валерий Коротов ыарыатынан доҕуһуолланан күрэх саҕаланна. Спартакиада сонун күрэҕинэн Улуу Кыайыыны уһансыбыт П.Г.Емельянов уола аҕатын кэриэстээн чөл олоҕу, спорду тарҕатан айбыт «Түргэн кубиктар” хамсаныылаах оонньуута көрөөччүлэр сэҥээриилэрин ылла, бу көрүҥҥэ бастаата Сахаайа Максимова (Элгээйи). Тэрийээччилэр хас биирдии көрүҥҥэ кыайыылаахтары мэтээллэринэн, грамотанан бэлиэтээн спортсменнар сүргэлэрэ көтөҕүллэн, үөрүүлэрэ үксээн астынан тарҕастылар. «Халбас харата»күрэххэ -Карл Петров (Бордон)  иннин кимиэхэ да биэрбэтэ, Өссө интэриэһинэй көрүҥ  “Кириэс тэбиитэ” буолла, бу өбүгэлэрбититтэн утумнаабыт оонньуубут детсад саастаах оҕолортон саҕалаан дьарыктаналлара хайҕаллаах. “Кириэс тэбиигэ” уонна 60 м.сүүрүүгэ саамай кытыгырас Санаайа Андреева («Чебурашка” оҕо сайдар киинэ) кэскиллээхтик бастаата, канат тардыһыытыгар Тойбохой кустатын хамаандатасаамай күүстээҕин, тирэхтээҕин көрдөрдө.